Qeydiyyat

Uşağın yatağını necə ayıraq? - VALİDEYNLƏR, OXUYUN!

1 245
Uşağın yatağını necə ayıraq? - VALİDEYNLƏR, OXUYUN!


Evli cütlüklərin cinsi həyatı haqqında yazılan, pozulan, eşidilən və görülən bir çox xurafatlar var. Bunların arasında uşaqdan sonra monotonlaşan yataq otağı hekayələri, həftədə bir dəfə görüşüb sevişməyin həsrəti də var. Lakin doğru olan bir faktı unutmaq olmaz: uşaqdan sonra evlilik, xüsusən də cinsi həyat dəyişir. Nəticədə iki insanın arasına girən üçüncü insan körpədirsə, əvvəlki kimi cinsi həyata qovuşmaq illər ala bilər. Bəs uşağı öz yatağına nə zaman və necə vərdiş etdirmək lazımdır? Bununla bağlı mütəxəssislərin fikirlərini təqdim edir.



Uşağın valideynlərlə yatması cinsi həyata necə təsir edir?



Hamiləlik müddətində və doğuşdan sonra cütlüklərin cinsi həyatında narahatlıq və çətinliklərin olması danılmazdır. Uzun müddət uşaqla yatmaq ana-ataların cinsi həyatına mənfi təsir göstərə bilər.



Ana və ata cinsi münasibətdə olan zaman körpə bunu anlayırmı? Neçə yaşına qədər uşaqla eyni otaqda cinsi həyat yaşana bilər?



Ana və atanın özlərinə məxsus yataqlarında cinsi həyatlarını yaşaması daha məqsədəuyğundur. Həm valideynlərin cinsi həyatlarının keyfiyyəti, həm də uşağın sağlamlığı baxımından bu, daha düzgündür.



Uşaq ana-ata ilə neçə yaşınadək yata bilər?



Əvvəlcə bunu qeyd edək ki, uşaqla eyni otaqda yatmaq elə də pis hal deyil. Lakin böyük yaşlaradək davamlı olaraq eyni yataqda və ya eyni otaqda yatmaq uşağın bəzi bacarıqlarının inkişaf etməsinə mane olur. Fərqli mədəniyyətlərdə fərqli qayda-qanunlar var. Yəni bu mövzunun tək bir doğru versiyası yoxdur. Bizim mədəniyyətimiz baxımından yanaşsaq, uşağın mütəmadi olaraq ana və atayla eyni yataqda və ya eyni otaqda yatmaq vaxtı 2-3 yaşdan o tərəfə keçmir. Uşağın bağça və ya məktəbə getməyə başlamazdan əvvəl özbaşına güvənli bir formada yatmağı öyrənməsi həm uşağın, həm də valideynlərin özlərini yaxşı hiss etməsinə şərait yaradır.



Otağı neçə yaşında ayırmaq lazımdır?



Ən geci 2-3 yaş arasında yatağı, yataq otağını problem etmədən, uşağın sakit, rahat və güvənlə yata bildiyi bir məkana çevirmək lazımdır. Otağı ayırmaq işini uşağın məktəbə getməyə başlamasından sonraya saxlamayın. Əgər bunu daha az yaşlarda etsəniz, uşaq həm də məktəbə daha asan uyğunlaşacaq. Ana və atası ilə birlikdə yatan uşaqların məktəbə başlamasında və uyğunlaşmasında çətinliklər yaşanır.



Uşağın ana-atasıyla yatmasının fərdi inkişafa hansı təsirləri var?



Uzun müddət valideynlərlə birgə yatmaq hər uşağa eyni cür təsir göstərmir. Bir ümumiləşmə aparsaq, belə nəticəyə gələ bilərik ki, uşağın münasibətlərdəki sərhədləri öyrənməsi çətinləşir. Öz sərhədlərinin, qarşıdakının şəxsi yerinin harada başlayıb harada bitməsini öyrənməyinin ən asan yolu “bura sənin, bura mənim” demək olur. Bundan başqa, valideynlə eyni yataqda yatmaq uşağın özünün bir fərd olmasını gecikdirən vəziyyətdir. Uzun müddət valideynlərilə yatan uşaqların özünəgüvən inkişafı az və çətin başa gəlir.



Otağı ayıran zaman nələrə diqqət etmək lazımdır?



Ana və ata yatağı və ya otağı ayırmağa hazır olduqlarından əmin olmalıdırlar. Əsasən valideynlər hazır olmadıqları üçün bu müddət uzanır. “Qıymadım, çox ağladı dözə bilmədim, bu gecə də bizimlə yatsa, heç nə olmaz” kimi cümlələr uşaq üçün bu müddətin gedərək çətinləşməsinə səbəb olur.



Yatağı necə ayırmaq lazımdır?



Tutaq ki, qəti və qərarlı olaraq “bu iş bitdi, bundan sonra eyni yataqda yatmaq yoxdu” dediniz. Bu, çox da işə yaramaya bilər. Əvvəlcə yataqları niyə ayırdığınızı unutmayın: uşağınızın fərd olma müddətini, özünə güvənmək hissini dəstəkləmək sizin əsas məqsədiniz olmalıdır. Əsəbi vəziyyət bu məqsədi dəstəkləyə bilməz. Ən yaxşısı prosesi tədricən yaşamaqdır. Yatanadək yanında qalmaq, yanında oturmaq, həftəsonu bir gün birlikdə yatmaq kimi bir neçə həftəni əhatə edən keçid dövrü daha yaxşı olar. Lakin elə etmək lazımdır ki, uşaqlar bu keçidlərin fərqində olmasın. Uşaq elə başa düşməməlidir ki, valideynləri ondan qəfil imtina edir.



Əgər uşaq birlikdə yatmağa inad edərsə...



Ardıcıllıq və davamlılıq göstərmək şərtdir. Uşağın israr etməsi vəziyyətə uyğunlaşmaqda çətinlik çəkdiyi mənasına gəlir. Bunun üçün tutarlı formada, təyin etdiyiniz proqrama riayət etməyiniz, uşağınızın sizə və beləliklə də, özünə güvənməsini təmin edir. Verdiyiniz sözə əməl etməməyiniz uşağınızın gözündə sizə olan inamı azalda bilər.
Bolme: Qadinlar / Kisiler
Fikirler (0)
Fikir Yaz
Прокомментировать
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
{sec_codee}
Oxsar Xeberler: