Qeydiyyat

İnsanlar niyə axirətə inanırlar?

314


Bəşərin axirətə imanının əsil mənşəyi - İlahi peyğəmbərlər (ə) vasitəsilə elan olunan vəhydir. Quranda bu dediklərimizə şəhadət verəcək iki minə yaxın ayə vardır. Bu ayələr müxtəlif şəkildə axirətdən xəbər vermiş və insanları məlumatlandırmışdır.

"Nəfsi istəyini öz məbudu etmiş və Allahın (onun batini küfrü və niyyətinin xəbisliyi barəsində olan) Öz elminə və onun məlumatına əsasən özbaşına buraxdığı, qulağını və qəlbini (bədbəxtlik möhürü ilə) möhürlədiyi və gözünə pərdə çəkdiyi kəsi gördünmü? Belə olan halda onu Allahdan başqa kim hidayət edə (bilə)r? Məgər ibrət götürmürsünüz?". ("Casiyə" 23).

Tarix boyu insanlarda belə sual yaranmışdı ki, bəs Allah dağılmış sümükləri axirətdə necə bir yerə yığıb, onlara can verəcəkdir? Allah Təala da dəfələrlə bu sualın cavabını verməyə çalışmışdır.

"Məgər görmədilər (bilmədilər)mi ki, Allah canlı məxluqları (dünyada) necə vücuda gətirir, sonra isə onları (öldükdən sonra, axirət aləmində) yenidən qaytaracaqdır?! Şübhəsiz bu, (iş) Allah üçün asandır". ("Ənkəbut" 19).

İnsanlara daha aydın olması üçün, Allah Təala dünyada buna nümunə olan işlər görmüşdür. O cümlədən:

1. Bəni-İsrayildən olan kişinin inəyin ətini toxunduran kimi canlanması.

2. Şimşək vasitəsilə ölən Bəni-İsrayildən olan bir dəstənin canlanması.

3. Həzrət İbrahim (ə) tərəfindən öldürülən quşun canlanması.

4. Ölülərin Həzrət İsa (ə) tərəfindən canlanması.

5. Ölüm qorxusundan diyarlarını tərk edən insanların canlanması.

Allah Təala Qurani-Kərimdə Həzrət Peyğəmbərə (s) əmr edir ki, axirətə inanmayanlara onu inandırmaq üçün and içə bilər . "Və səndən "görəsən o (Qiyamət, savab və cəza) haqdır?" (deyə) xəbər alırlar. De: "Bəli, Rəbbimə and olsun ki, o, haqdır və siz əsla aciz qoyan (mənim Allahımın əzabından qaça bilən) deyilsiniz"". ("Yunus" 53).

Qurani-Kərim buyurur ki, Qiyamətin baş verəcəyi xəbəri haqdır. "Ey insanlar, öz Rəbbinizdən qorxun. O gündən qorxun ki, heç bir ata (o günün əzabından) heç bir şeyi öz övladından uzaqlaşdıra bilməz, övlad da öz atasından heç bir şeyi kənarlaşdırıb, uzaqlaşdıra bilməz. Şübhəsiz, Allahın vədi haqdır. Belə isə dünya həyatı sizi məğrur etməsin və hiyləgər şeytan sizi Allah barəsində aldatmasın!". ("Loğman" 33).

"Qiyamət günü mütləq gələcəkdir (və əqli və nəqli dəlillər baxımından) onun barəsində bir şübhə yoxdur. Lakin insanların çoxu iman gətirmir". ("Ğafir" 59).

"Onlara (Qiyamət günü) nə bir qorxu var, nə də qəmgin olarlar". ("Bəqərə" 62).

Beləliklə deyə bilərik ki, bəşər axirətə ona görə inanır ki, Allah Təala onlara inandırıcı vəhylər nazil edir və məhz bu vəhylərin sayəsində insanlar özlərini axirətə hazır edirlər.
Bolme: Maraqli / Islam
Fikirler (0)
Fikir Yaz
Прокомментировать
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
{sec_codee}
Oxsar Xeberler: